എടപ്പാള്‍: അഭിമന്യു വധത്തില്‍ പ്രതിഷേധിച്ച് ഡി.വൈ.എഫ്.ഐ സംസ്ഥാന വ്യാപകമായി നടത്തുന്ന പ്രതിഷേധത്തിന്റെ ഭാഗമായി വട്ടംകുളത്ത്പ്രതിഷേധ ചുമരെഴുത്ത് നടത്തി.
കൊല്ലാനാണ് ഉദ്ദേശമെങ്കില്‍ എഴുതാന്‍ തന്നെയാണ് ഞങ്ങളുടെ തീരുമാനം എന്ന മുദ്രാവാക്യമുയര്‍ത്തി ഡി.വൈ.എഫ്.ഐ വട്ടംകുളം സൗത്ത് മേഖല കമ്മറ്റി നടത്തിയ ചുമരെഴുത്ത് സി.പി.ഐ.എം എടപ്പാള്‍ ഏരിയ സെക്രട്ടറി എം.മുസ്തഫ ഉദ്ഘാടനം ചെയ്തു.
വട്ടംകുളം മേഖലാ പ്രസിഡന്റ് ഇ.പി മണികണ്ഠന്‍ അധ്യക്ഷനായി. മേഖലാ സെക്രട്ടറി സുജിത് കാരാട്ട്, ശരത് സംസാരിച്ചു.