മാനന്തവാടി: മാന്‍ കൊമ്പുമായി യുവാവിനെ പൊലിസ് പിടികൂടി. പടിഞ്ഞാത്തറ പതിനാറാംമൈല്‍ പുത്തന്‍വീട്ടില്‍ വിഷ്ണു(23)വാണ് അറസ്റ്റിലായത്.
രഹസ്യ വിവരത്തെ തുടര്‍ന്ന് പൊലിസ് നടത്തിയ പരിശോധനയിലാണ് ഇയാള്‍ പിടിയിലായത്. ഇയാളുടെ വീട്ടു മുറ്റത്ത് വിറകിന്‍ കൂട്ടില്‍ ഒളിപ്പിച്ച നിലയിലായിരുന്നു മാന്‍കൊമ്പ്.
പ്രതിയെ മാനന്തവാടി കോടതിയില്‍ ഹാജരാക്കി റിമാന്‍ഡ് ചെയ്തു.
പടിഞ്ഞാറത്തറ പൊലിസ് എസ്.ഐ ഷാഹുല്‍ഹമീദും സംഘവും ചേര്‍ന്നാണ് പ്രതിയെ പിടികൂടിയത്.