ഫറോക്ക്: കഴിഞ്ഞ ദിവസമുണ്ടായ ശക്തമായ മഴയില്‍ വീടിനു സമീപത്തെ മണ്ണിടിഞ്ഞു വീണത് അപകട ഭീഷണിയുയര്‍ത്തുന്നു. ഫാറൂഖ് കോളജ് പോസ്റ്റ് ഓഫിസിന് വടക്കുവശത്തെ പയനിക്കോളില്‍ താമസിക്കുന്ന ചെറൂത്ത് പറമ്പില്‍ മൊയ്തീന്റെ വീടിനു സമീപത്തുള്ള മതിലാണ് ഇടിഞ്ഞു വീണത്. ഇരുപത് അടിയിലധികം പൊക്കമുള്ള മണ്‍തിട്ട ശക്തമായ ശബ്ദത്തോടെ താഴെക്കു പതിക്കുകയായിരുന്നു. മണ്‍തിട്ടയുടെ മുകളില്‍ ഇളകി നില്‍ക്കുന്ന കൂറ്റന്‍ പാറക്കല്ല് വീടിന് ഭീഷണിയുയര്‍ത്തുന്നുണ്ട്