കല്‍പ്പറ്റ: അസോസിയേഷന്‍ ഓഫ് ഓട്ടോമൊബൈല്‍ വര്‍ക്ക്‌ഷോപ് അസോസിയേഷന്റെ ജില്ലാസമ്മേളനം ഈമാസം 29ന് കല്‍പ്പറ്റ വിജയ പമ്പ് പരിസരത്ത് നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വൈകിട്ട് അഞ്ചിന് നടക്കുന്ന പൊതുയോഗം സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. ഓട്ടോമൊബൈല്‍ വര്‍ക്ക്‌ഷോപ്പ് മേഖല നേരിടുന്ന പ്രശ്‌നങ്ങള്‍ ചര്‍ച്ച ചെയ്യും.
30ന് പ്രതിനിധി സമ്മേളനം നടക്കും. 29ന് ഉച്ചക്ക് 2.30ന് കൈനാട്ടിയില്‍ നിന്നാരംഭിക്കുന്ന ഘോഷയാത്രയോടെയാണ് സമ്മേളനത്തിന് തുടക്കമാവുക. വാര്‍ത്താസമ്മേളനത്തില്‍ കെ.ഡി. രാജന്‍, കെ.എന്‍. പ്രശാന്ത്, വി.കെ. ചന്ദ്രന്‍, പാട്ടത്തില്‍ പ്രകാശന്‍ പങ്കെടുത്തു.