തിരുവനന്തപുരം: പ്രമുഖ ഗാന്ധിയന്‍ പി. ഗോപിനാഥന്‍ നായരുടെ 95-ാം ജ•ദിനത്തോടനുബന്ധിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് തൈക്കാട് ഗാന്ധിഭവനില്‍ സംഘടിപ്പിച്ച പിന്നിട്ട പടവുകള്‍ എന്ന ഫോട്ടോപ്രദര്‍ശനം ശ്രദ്ധേയമായി. ഗോപിനാഥന്‍ നായരുടെ ഗാന്ധിമാര്‍ഗ ജീവിതത്തിലെ സുപ്രധാന മുഹൂര്‍ത്തങ്ങളുള്‍പ്പെട്ട അപൂര്‍വ ചിത്രങ്ങള്‍ സമാഹരിച്ചതായിരുന്നു പ്രദര്‍ശനം.
തൊണ്ണൂറ്റിയഞ്ചാം ജന്മ•ദിനത്തോടനുബന്ധിച്ച് ഗാന്ധിഭവനില്‍ സംഘടിപ്പിച്ച ഗുരുവന്ദനം ചടങ്ങിലാണ് അദ്ദേഹത്തിന്റെ ബാല്യം, യൗവനം, ഗാന്ധി സന്ദേശവുമായി രാജ്യത്തുടനീളം അദ്ദേഹം നടത്തിയ ശാന്തിയാത്രകള്‍, ദേശീയ നേതാക്കളുമായുള്ള കൂടിക്കാഴ്ചകള്‍, യോഗങ്ങള്‍, മാറാട് ശാന്തി സന്ദേശായോഗങ്ങള്‍, ഗാന്ധിസ്മാരകനിധിയുടെ പ്രവര്‍ത്തനങ്ങള്‍, ബജാജ്, പത്മശ്രീ പുസ്‌കാരങ്ങള്‍ എന്നിവയുമായി ബന്ധപ്പെട്ട അമൂല്യമായ ചിത്രങ്ങള്‍ പ്രദര്‍ശിപ്പിച്ചത്. ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിനുവേണ്ടി പ്രശസ്ത ഫ്രീലാന്‍സ് ഫോട്ടോഗ്രാഫര്‍ അജയകുമാര്‍ അരുവിപ്പുറം പകര്‍ത്തിയതാണ് ചിത്രങ്ങള്‍.