പെരിന്തല്‍മണ്ണ: എസ്.കെ.എസ്.എസ്.എഫ് തൂത ക്ലസ്റ്ററിലെ വാഴേങ്കട യൂനിറ്റ് കമ്മിറ്റിയുടെ ആഭിമുഖ്യത്തില്‍ നിര്‍ധന കുടുംബത്തിന് നിര്‍മിച്ചുനല്‍കുന്ന വീടിന്റെ താക്കോല്‍ദാനം ഇന്ന് വൈകീട്ട് നാലിന് സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ്തങ്ങള്‍ നിര്‍വഹിക്കും. മഹല്ല് ഖത്വീബ് ഉമര്‍ ഫൈസി അധ്യക്ഷനാകും. മഞ്ഞളാംകുഴി അലി എം.എല്‍.എ മുഖ്യാതിഥിയാകും.
സത്താര്‍ പന്തല്ലൂര്‍ മുഖ്യപ്രഭാഷണം നടത്തും. പി.എം റഫീഖ് അഹ്മദ്, സി.കെ മൊയ്തുട്ടി മുസ്‌ലിയാര്‍, കെ.പി യാസിര്‍ ഫൈസി, ശമീര്‍ ഫൈസി ഒടമല, ആനമങ്ങാട് മുഹമ്മദ്കുട്ടി ഫൈസി, ഫൈറൂസ് ഫൈസി ഒറവംപുറം, ഒ.കെ.എം മൗലവി ആനമങ്ങാട് തുടങ്ങിയവര്‍ സംബന്ധിക്കും.