എറണാകുളം: കൊച്ചി കാക്കനാട് പ്രവര്‍ത്തിക്കുന്ന കരുണാലയത്തില്‍ മരിച്ച അന്തേവാസിക്ക് കൊവിഡ് സ്ഥിരീകരിച്ചു. ആനി ആന്റണി(77) ആണ് ഇന്ന് രാവിലെ മരിച്ചത്. കൊവിഡ് ക്ലസ്റ്ററുകളില്‍ സംഭവിച്ച മറ്റൊരു കൊവിഡ് മരണമാണിത്.

കുറച്ച് ദിവസമായി ഇവരുടെ ആരോഗ്യനില മോശമായി തുടരുകയായിരുന്നു. കന്യാസ്ത്രീകളടക്കം 139 പേരാണ് കാക്കനാട്ടെ മഠത്തിലുള്ളത്. ഇവര്‍ക്കെല്ലാം ആന്റിജന്‍ പരിശോധന നടത്തിയിരുന്നു. 43 പേര്‍ക്ക് രോഗം സ്ഥിരീകരിച്ചു.

അതേ സമയം കോഴിക്കോട് മരിച്ച രണ്ടുപേര്‍ക്ക് ഇന്ന് കൊവിഡ് സ്ഥിരീകരിച്ചു. പന്നിയങ്കര സ്വദേശി മുഹമ്മദ് കോയയുടേയും കാരപ്പറമ്പ് സ്വദേശിയായ റുഖിയാബിയുടേയും മരണമാണ് കൊവിഡെന്ന് കണ്ടെത്തിയത്.