കൊട്ടാരക്കര: ഏതെങ്കിലും ഒരു മേഖലയില്‍ മാത്രം ഒതുങ്ങുന്നതായിരുന്നില്ല എം.കെ. കുമാരന്റെ വ്യക്തിത്വമെന്ന് മുന്‍ മുഖ്യമന്ത്രിവി.എസ്. അച്യുതാനന്ദന്‍ . കൊട്ടാരക്കര എം.കെ കുമാരന്‍ പഠനകേന്ദ്രത്തിന്റെ നേതൃത്വത്തില്‍ വാളകത്തു സംഘടിപ്പിച്ച എം.കെ. കുമാരന്‍ അനുസ്മരണചടങ്ങില്‍ സംസാരിക്കുകയായിരുന്നു അദ്ദേഹം.
സാമൂഹ്യജീവിതത്തിന്റെ സര്‍വമണ്ഡലങ്ങളിലും എം.കെ ഇടപെട്ടു. സാഹിത്യവും പത്രപ്രവര്‍ത്തനവും ചരിത്രാന്വേഷണവും സമുദായോദ്ധാരണവും പാര്‍ലമെന്ററി പ്രവര്‍ത്തനവും ഒന്നുപോലെ അദ്ദേഹത്തിനു വ
ഴങ്ങി.
ജാതീയമായ ഉച്ചനീചത്വങ്ങളും അതുമായി ബന്ധപ്പെട്ട ദുരാചാരങ്ങളും അരങ്ങുവാഴുന്ന കാലത്ത് എം.കെയുടെ പൊതുപ്രവര്‍ത്തന രംഗത്തെ സാന്നിധ്യം ഏറെ പ്രയോജനപ്പെട്ടതു പരക്കെ അംഗീകരിക്കപ്പെട്ടതായും അദ്ദേഹം പറഞ്ഞു.
എം.കെ. കുമാരന്‍ പുരസ്‌കാരം എന്‍.എം. പിയേഴ്‌സന് അദ്ദേഹം സമ്മാനിച്ചു. പി. അയിഷാപോറ്റി എം.എല്‍.എ. അധ്യക്ഷത വഹിച്ചു. മികച്ച വിദ്യാര്‍ഥികളെ വനം വകുപ്പു മന്ത്രി കെ.രാജു അനുമോദിച്ചു.