സീതാംഗോളി: സീതാംഗോളി കിന്‍ഫ്ര വ്യവസായ പാര്‍ക്കില്‍ തീപ്പിടിത്തം. പൂര്‍ണചന്ദ്ര പൈപ്പ്‌സ് എന്ന സ്ഥാപനത്തിലാണു തീപ്പിടിത്തമുണ്ടായത്. ഇവിടെ സൂക്ഷിച്ചിരുന്ന 32 ബാറ്ററികളും എ.സി ഉള്‍പ്പെടെയുള്ള സാമഗ്രികളും കത്തി നശിച്ചു. 2.75 ലക്ഷം രൂപയുടെ നഷ്ടം സംഭവിച്ചതായി പറയുന്നു. ഇന്നലെ പുലര്‍ച്ചെയാണു തീപ്പിടിത്തമുണ്ടായത്.
മുള്ളേരിയയിലെ പ്രവീണ്‍ കുമാറിന്റെ ഉടമസ്ഥതയിലുള്ളതാണു സ്ഥാപനം. കാസര്‍കോട്ട് നിന്നു ഫയര്‍ഫോഴ്‌സെത്തിയാണു തീയണച്ചത്. ഷോര്‍ട്ട് സര്‍ക്യൂട്ടാണ് തീപ്പിടിത്തത്തിനു കാരണമെന്നു കരുതുന്നു.
സ്റ്റേഷന്‍ ഓഫിസര്‍ ജഗദീശന്‍, ലീഡിങ് ഫയര്‍മാന്‍ ഗണേശന്‍, ഫയര്‍മാന്മാരായ വിശാല്‍, സുനില്‍കുമാര്‍, ലിബേഷ്, മനുപ്രസാദ്, ദിലീപ് എന്നിവരുടെ നേതൃത്വത്തിലാണ് തീയണച്ചത്.