ന്യൂഡല്‍ഹി: ഡല്‍ഹി കോര്‍പറേഷന്‍ തെരഞ്ഞെടുപ്പില്‍ ബി.ജെ.പിക്കുണ്ടായ വിജയം മോദി തരംഗത്തിന്റെ ഭാഗമായിട്ടുള്ളതല്ല മറിച്ച് വോട്ടിങ് യന്ത്രത്തിന്റെ തരംഗമാണെന്ന് ആം ആദ് മി പാര്‍ട്ടി. വോട്ടിങ് യന്ത്രങ്ങളെ കുറിച്ച് വ്യാപകമായ പ്രചാരണങ്ങള്‍ സംഘടിപ്പിക്കുമെന്ന് എ.എ.പി നേതാവ് ഗോപാല്‍ റായ് പറഞ്ഞു.
ഇലക്ട്രോണിക് വോട്ടിങ് യന്ത്രത്തില്‍ നിന്ന് എങ്ങനെ മോചിതരാവണമെന്ന് രാജ്യം മുഴുവന്‍ ചിന്തിക്കണമെന്ന് അദ്ദേഹം ആവശ്യപ്പെട്ടു. ഒരു ദശാബ്ദമായി ഡല്‍ഹിയുടെ തെരുവുകള്‍ വൃത്തിയാക്കാത്ത ബി.ജെ.പി ഡല്‍ഹി കോര്‍പറേഷനുകള്‍ തൂത്തുവാരി. യന്ത്രം നിങ്ങള്‍ക്കൊപ്പമുള്ളപ്പോള്‍ മനുഷ്യന്റെ ഇച്ഛക്ക് ഒരു വിലയുമില്ലെന്നും ബി.ജെ.പിയുടെ തെരഞ്ഞെടുപ്പ് വിജയത്തെ കുറിച്ച് ഗോപാല്‍ റായ് ട്വീറ്റ് ചെയ്തു.