വാഷിങ്ടണ്‍: ഇന്ത്യക്ക് നാറ്റോ സഖ്യകക്ഷിയുടെ തുല്യപദവി നല്‍കുന്ന ബില്‍ യു.എസ് കോണ്‍ഗ്രസില്‍ അവതരിപ്പിച്ചു. മുതിര്‍ന്ന കോണ്‍ഗ്രസ് അംഗങ്ങളായ ജോ വില്‍സണിന്റെ നേതൃത്വത്തിലാണ് പ്രതിനിധി സഭയില്‍ ബില്‍ അവതരിപ്പിച്ചത്. ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയോട് കയറ്റുമതി നിയന്ത്രണ നയങ്ങളില്‍ പ്രതിജ്ഞാബദ്ധത പുലര്‍ത്തണമെന്ന് വില്‍സണ്‍ സഭയില്‍ ആവശ്യപ്പെട്ടു. ഇതു പാസാവകുയാണെങ്കില്‍ ആയുധക്കയറ്റുമതി ഉള്‍പ്പെടെയുള്ള വിഷയങ്ങളില്‍ നാറ്റോ അംഗങ്ങളോട് യു.എസ് സ്റ്റേറ്റ് ഡിപ്പാര്‍ട്ട്‌മെന്റിനുള്ള അതേ പരിഗണനയായിരിക്കും ഇന്ത്യക്കും ലഭിക്കുക. ഇന്ത്യയിലേക്കുള്ള യു.എസ് ഉല്‍പന്നങ്ങളുടെ ഇറക്കുമതിയില്‍ പ്രത്യേക പരിഗണനയുമുണ്ടാകും.