കോഴിക്കോട്: സഹായിക്കാന്‍ ആരോരുമില്ലാത്ത പ്രവാസികളെ കണ്ടെത്തി അവരെ സമൂഹത്തിന്റെ മുഖ്യധാരയിലേക്ക് കൊണ്ടുവരാന്‍ യു.എ.ഇ കെ.എം.സി.സി ഫൗണ്ടേഴ്‌സ് ഓര്‍ഗനൈസേഷന്‍ നേതൃസംഗമം വിവിധ പരിപാടികള്‍ ആവിഷ്‌കരിച്ചു. പ്രവാസ ലോകത്ത് വിവിധ മേഖലകളില്‍ വ്യക്തിമുദ്രപതിപ്പിച്ച കലാകാരന്‍മാരെയും പ്രതിഭകളെയും ആദരിക്കാനും തീരുമാനിച്ചു.
കോഴിക്കോട് സി.എച്ച് ഓഡിറ്റോറിയത്തില്‍ നടന്ന ലീഡേഴ്‌സ് മീറ്റ് മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്തു. ഇബ്രാഹിം കുട്ടി ചൊക്ലി അധ്യക്ഷനായി. എം.എ റസാഖ് മാസ്റ്റര്‍, പി.എ ഹംസ, ടി.കെ മൊയ്തീന്‍, എസ്.കെ മുഹമ്മദ്, അഡ്വ. ബേവിഞ്ച അബ്ദുല്ല, സി.വി.എം വാണിമേല്‍, മലയില്‍ അബ്ദുല്ലക്കോയ, എം.എ മഹ്മൂദ്, എ.പി ഉമ്മര്‍, മൊയ്തു എടയൂര്‍, എം.എസ് അലവി, പി.എ അബൂബക്കര്‍ ഹാജി, പരീദ് കരേക്കാട്, കെ.എം.എ ബക്കര്‍, ഹുസൈന്‍ ചെറുതുരുത്തി, ബീരാവുണ്ണി തൃത്താല, ഇ.എ റഹ്മാന്‍, ബപ്പന്‍കുട്ടി നടുവണ്ണൂര്‍, ഹക്കീം തുപ്പിലക്കാട്, റഈസ് മലപ്പുറം, റഷീദ് തൊട്ടി കാഞ്ഞങ്ങാട് സംസാരിച്ചു.
എം.എസ് മണ്ണാര്‍ക്കാട് പ്രാര്‍ഥന നടത്തി. കെ.എം.സി.സി ഫൗണ്ടേഴ്‌സ് ഓര്‍ഗനൈസേഷന്‍ സംഘടിപ്പിച്ച മലപ്പുറം ഉപതെരെഞ്ഞെടുപ്പ് പ്രവചന മത്സരത്തിലെ വിജയി എ.എം ഇബ്രാഹിമിനുള്ള സമ്മാനം വ്യവസായ പ്രമുഖന്‍ പി.എ ഹംസ നല്‍കി.