തിരുവനന്തപുരം: പ്രസ് ക്ലബ്ബ് തിരുവനന്തപുരം കനകോത്സവത്തിന്റെ ഭാഗമായി സംഘടിപ്പിച്ച ആള്‍ ഇന്ത്യ ന്യൂസ് ഫോട്ടോഗ്രഫി മത്സരത്തില്‍ സുപ്രഭാതം കോഴിക്കോട് ബ്യൂറോ ഫോട്ടോഗ്രാഫര്‍ നിധീഷ് കൃഷ്ണന് പ്രത്യേക പുരസ്‌കാരം. 10000 രൂപയും ഫലകവും അടങ്ങുന്നതാണ് പുരസ്‌ക്കാരം.
എസ്.എസ്. റാം, എസ്. ഹരിശങ്കര്‍ മെമ്മോറിയല്‍ അവാര്‍ഡിന് (50000 രൂപയും ഫലകവും) മലയാള മനോരമ കോട്ടയം ബ്യുറോയിലെ ചീഫ് ഫോട്ടോഗ്രാഫര്‍ റിജോ ജോസഫ് അര്‍ഹനായി. പി. കൃഷ്ണപ്രദീപ് (മാതൃഭൂമി, കോഴിക്കോട്), ശിവജി കുമാര്‍ ടി. (സിറാജ്, തിരുവനന്തപുരം), ജയേഷ് പി. (മാതൃഭൂമി, വയനാട്), ദിലീപ് പുരയ്ക്കല്‍ (മാധ്യമം, കോട്ടയം) എന്നിവരും പ്രത്യേക പുരസ്‌കാരത്തിന് അര്‍ഹരായി.

ഈ മാസം 15ന് വൈകിട്ട് ആറിന് കനകക്കുന്ന് സൂര്യകാന്തിയില്‍ നടക്കുന്ന ചടങ്ങില്‍ നടന്‍ ജയറാം അവാര്‍ഡ് സമ്മാനിക്കുമെന്ന് പ്രസ് ക്ലബ്ബ് പ്രസിഡന്റ് ജി. പ്രമോദും സെക്രട്ടറി എം. രാധാകൃഷ്ണനും അറിയിച്ചു.