പടിഞ്ഞാറത്തറ (വയനാട്): ജില്ലയില്‍ തുടരുന്ന കനത്ത മഴയെ തുടര്‍ന്ന് ബാണാസുര സാഗര്‍ അണക്കെട്ടിലെ ഇന്നത്തെ ജലനിരപ്പ് 774.60 മീറ്റര്‍ ആയി. ഇതോടെ ജാഗ്രത നിര്‍ദേശവുമായി ജില്ല ഭരണകൂടം രംഗത്തെത്തി. മഴ തുടരുകയാണെങ്കില്‍ 24 മണിക്കൂറിനുള്ളില്‍ റിസര്‍വോയര്‍ നിറയും.

ഏതു സമയത്തും ഡാം തുറക്കേണ്ട സാഹചര്യമാണ് നിലവിലുള്ളതെന്നും താഴ്ഭാഗത്തു പുഴയരികില്‍ താമസിക്കുന്നവര്‍ ജാഗ്രത പാലിക്കണമെന്നും അസി.എക്‌സിക്യൂട്ടീവ് എന്‍ജിനീയര്‍ അറിയിച്ചു.