കോഴിക്കോട്: കൂടുതല്‍ പേര്‍ക്ക് കൊവിഡ് സ്ഥിരീകരിക്കുന്ന സാഹചര്യത്തില്‍ കൊവിഡ് വ്യാപന സാധ്യത കണക്കിലെടുത്ത് കോഴിക്കോട് ജില്ലയില്‍ നിരീക്ഷണം ശക്തമാക്കും. ബീച്ച് ആശുപത്രിയില്‍ ഇനി കൊവിഡ് ചികിത്സ മാത്രമായിരിക്കും ഉണ്ടാവുക. സി കാറ്റഗറിയിലുള്ള രോഗികളെ മാത്രമേ മെഡിക്കല്‍ കോളേജില്‍ പ്രവേശിപ്പിക്കുകയുള്ളു. 

കൊവിഡ് വ്യാപന സാധ്യത കൂടിയ മേഖലകളില്‍ നിരീക്ഷണത്തിനും നിയന്ത്രണത്തിനും ക്വിക്ക് റെസ്‌പോണ്‍സ് ടീമിനെ നിയോഗിക്കും. സമ്പര്‍ക്ക വ്യാപനം കൂടുന്ന പശ്ചാതലത്തില്‍ കലക്ട്രേറ്റില്‍ അവലോകന യോഗം ചേര്‍ന്നു.

ഞായറാഴ്ച്ചകളിലെ സമ്പൂര്‍ണ ലോക്ക്ഡൗണ്‍ തുടരും. രണ്ട് രോഗികള്‍ക്ക് കൊവിഡ് സ്ഥിരീകരിച്ചതിനെ തുടര്‍ന്ന് ഇന്നലെ മാത്രം 24 ആരോഗ്യപ്രവര്‍ത്തകനാണ് നിരീക്ഷണത്തില്‍ പോയത്.നിലവിലെ സ്ഥിതി തുടര്‍ന്നാല്‍, ജില്ലയില്‍ മൂവായിരത്തിനും നാലായിരത്തിനുമിടയില്‍ വരെ കൊവിഡ് കേസുകള്‍ റിപ്പോര്‍ട്ട് ചെയ്‌തേക്കാമെന്ന സാധ്യത അവലോകന യോഗം കണക്കുകൂട്ടി. ഇതിനുവേണ്ട മുന്‍കരുതല്‍ സ്വീകരിക്കാനും യോഗം തീരുമാനിച്ചു.