മൊഹാലി: ഹിമാചല്‍പ്രദേശിലെ ബിലാസ്പൂര്‍ ജില്ലയില്‍ പൊലിസും ആയുധധാരികളായ കൊള്ളക്കാരും തമ്മില്‍ ഏറ്റുമുട്ടല്‍. ഒരാളെ പൊലിസ് വധിച്ചു. മൂന്നു പേരെ അറസ്റ്റ് ചെയ്തിട്ടുണ്ട്.
കഴിഞ്ഞ ദിവസം പുലര്‍ച്ചെയാണു സംഭവം. സൊഹാന എന്ന പ്രദേശത്ത് വെടിയുതിര്‍ത്തു രക്ഷപ്പെടാന്‍ ശ്രമിച്ച സംഘത്തെ മൊഹാലി പൊലിസ് പിന്തുടര്‍ന്നു പിടികൂടുകയായിരുന്നു. കാറില്‍ കടന്നുകളയുകയായിരുന്ന അക്രമികളെ മൊഹാലി എസ്.എസ്.പി കുല്‍ദീപ് സിങ് ഛഹാലിന്റെ നേതൃത്വത്തിലുള്ള പൊലിസ് സംഘമാണു കീഴ്‌പെടുത്തിയത്.
ഗുരുദാസ്പൂര്‍ കേന്ദ്രീകരിച്ചു പ്രവര്‍ത്തിക്കുന്ന കൊള്ളസംഘത്തില്‍പെട്ടവരാണു പ്രതികളെന്ന് പൊലിസ് പറഞ്ഞു. അറസ്റ്റിലായ മൂന്നുപേരെ പൊലിസ് ചോദ്യംചെയ്തുവരികയാണ്.