ന്യൂഡല്‍ഹി: പാകിസ്താന്‍ മുന്‍ പ്രധാനമന്ത്രി നവാസ് ശരീഫ് അഴിമതിക്കേസില്‍ അറസ്റ്റിലായതിനെത്തുടര്‍ന്ന് പ്രധാനമന്ത്രി നരേന്ദ്ര മോദിക്കെതിരേ ട്രോളുമായി കോണ്‍ഗ്രസ്. ഔദ്യോഗിക ട്വിറ്റര്‍ അക്കൗണ്ടിലൂടെയായിരുന്നു കോണ്‍ഗ്രസിന്റെ പരിഹാസം.
'നവാസ് ശരീഫ് അഴിമതിക്കേസില്‍ അറസ്റ്റിലായി. അദ്ദേഹത്തിന്റെ പ്രിയ സുഹൃത്ത് പ്രധാനമന്ത്രി നരേന്ദ്ര മോദിക്ക് എന്താണു പറയാനുള്ളതെന്നറിയാന്‍ ആഗ്രഹമുണ്ട് ' എന്നായിരുന്നു ട്വീറ്റ്. 2015 ഡിസംബറില്‍ ലാഹോറില്‍ ഇരുവരും തമ്മില്‍ നടത്തിയ കൂടിക്കാഴ്ചയുടെ ചിത്രം കൂടി ചേര്‍ത്താണ് കോണ്‍ഗ്രസിന്റെ പരിഹാസം.
നവാസ് ശരീഫിന്റെ പേരമകളുടെ കല്യാണ നിശ്ചയദിവസം അദ്ദേഹത്തിന്റെ വീട്ടില്‍ മോദി എത്തിയിരുന്നു. അഫ്ഗാനിസ്താനില്‍നിന്നു മടങ്ങവേയാണ് അപ്രതീക്ഷിതമായി മോദി പാകിസ്താനില്‍ ഇറങ്ങിയത്.