മാനന്തവാടി: രണ്ട് കിലോ കഞ്ചാവുമായി മൂന്ന് കൊടുവള്ളി സ്വദേശികള്‍ പിടിയിലായി.
കേരള അതിര്‍ത്തിയായ തോല്‍പ്പെട്ടിയില്‍ എക്‌സൈസ് സംഘം നടത്തിയ വാഹന പരിശോധനക്കിടയിലാണ് കഞ്ചാവ് പിടികൂടിയത്.
കൊടുവള്ളി സ്വദേശികളായ അബ്ദുല്‍ കബീര്‍ പി.പി (29), മുസ്തഫ (33), ഷിജാസ് (20) എന്നിവരാണ് പിടിയിലായത്. ഇന്നലെ വൈകിട്ട് അഞ്ചിന് കര്‍ണ്ണാടക ഭാഗത്ത് നിന്നും വരുകയായിരുന്ന കാര്‍ തോല്‍പ്പെട്ടി ചെക്ക് പോസ്റ്റില്‍ വെച്ച് മാനന്തവാടി എക്‌സൈസ് സി.ഐ ഷാജിയുടെ നേതൃത്വത്തിലാണ് പരിശോധിച്ചത്. കാറിനുള്ളിലെ ഡാഷിന്റെ ഉള്ളില്‍ വളരെ രഹസ്യമായി സൂക്ഷിച്ച കഞ്ചാവാണ് പിടികൂടിയത്. ഇവര്‍ സഞ്ചരിച്ച കാറും കസ്റ്റഡിയിലെടുത്തു.
സര്‍ക്കിള്‍ ഇന്‍സ്‌പെക്ടര്‍ എ.കെ ഷാജിയോടൊപ്പം പ്രിവന്റീവ് ഓഫിസര്‍മാരായ കെ.വി ഷാജിമോന്‍, കൃഷ്ണന്‍കുട്ടി, അനില്‍ കുമാര്‍, സിവില്‍ എക്‌സൈസ് ഓഫിസര്‍മാരായ സനൂപ്, വിജേഷ്, സുരേഷ്, ഡ്രൈവര്‍ സുഭാഷ് എന്നിവരും ഉണ്ടായിരുന്നു. പ്രതികളെ പിന്നീട് കോടതിയില്‍ ഹാജരാക്കും.