ഗസ്സ: അതിര്‍ത്തിയില്‍ ഇസ്‌റാഈല്‍ ആക്രമണത്തില്‍ ഫലസ്തീന്‍ കൗമാരക്കാരന്‍ കൊല്ലപ്പെട്ടു. 15കാരനായ ഉസ്മാന്‍ റമി ഹില്‍സാണു കൊല്ലപ്പെട്ടതെന്ന് ഗസ്സ ആരോഗ്യമന്ത്രാലയം അറിയിച്ചു.
ആക്രമണത്തില്‍ 68 പേര്‍ക്കു പരുക്കേറ്റു. കണ്ണീര്‍വാതക പ്രയോഗത്തിലും വെടിവയ്പിലുമാണ് ഇവര്‍ക്കു പരുക്കേറ്റത്. ഇസ്‌റാഈല്‍ അധിനിവേശത്തിനെതിരേ ഗസ്സ അതിര്‍ത്തിയില്‍ മാര്‍ച്ച് 30 മുതല്‍ ആരംഭിച്ച പ്രതിഷേധത്തില്‍ ഇതുവരെ 138 പേര്‍ കൊല്ലപ്പെട്ടിട്ടുണ്ട്. 16,0000 പേര്‍ക്കു പരുക്കേറ്റു. 1948ല്‍ ഇസ്‌റാഈല്‍ പിടിച്ചെടുത്ത പ്രദേശങ്ങള്‍ തിരിച്ചേല്‍പ്പിക്കണമെന്ന് ആവശ്യപ്പെട്ടാണു പ്രതിഷേധം.
അതിനിടെ ഗസ്സയില്‍ ഇസ്‌റാഈല്‍ റോക്കറ്റാക്രമണം നടത്തി. ഇന്നലെ പകല്‍ 30 റോക്കറ്റുകളും മോട്ടോര്‍ഷെല്ലുകളുമാണു സൈന്യം വര്‍ഷിച്ചത്. സംഭവത്തില്‍ നാല് ഗസ്സക്കാര്‍ക്ക് പരുക്കേറ്റു.