പാലക്കാട്: ജില്ലാ പബ്ലിക് ലൈബ്രറിയുടെ അഞ്ചാം വാര്‍ഷികാഘോഷങ്ങളുടെ ഭാഗമായി ഒരുക്കിയ ലൈബ്രറിയുടെ കഴിഞ്ഞകാല പ്രവര്‍ത്തനങ്ങളുടെ പ്രദര്‍ശനംഇന്ന്്് വൈകുന്നേരം 5 മണിക്ക് എം.ബി .രാജേഷ് എം.പി ഉദ്ഘാടനം ചെയ്യും.ആഗസ്റ്റ് 15 വരെ ഈ പ്രദര്‍ശനം ലൈബ്രറിയില്‍ ഉണ്ടാവും. വൈകുന്നേരം 3 മണിക്ക്കഥക്കൂട്ടായ്മയും അരങ്ങേറും.
29 നു ് ഇന്‍ഡോര്‍ സ്റ്റേഡിയത്തില്‍ നടക്കുന്ന പൂര്‍ണ ദിന പരിപാടിയോടെ ആഘോഷത്തിന് സമാപനമാകും. സാംസ്‌കാരിക വകുപ്പ് മന്ത്രി എ.കെ.ബാലന്‍, എം.ബി.രാജേഷ് എം.പി, ഷാഫി പറമ്പില്‍.എം.എല്‍.എ,ജില്ലാ പഞ്ചായത്ത് പ്രസിഡന്റ് അഡ്വക്കേറ്റ് ശാന്തകുമാരി, സംസ്ഥാന ലൈബ്രറി കൌണ്‍സില്‍ അധ്യക്ഷന്‍ ഡോ.കെ.വി.കുഞ്ഞികൃഷ്ണന്‍,ജില്ലാ ലൈബ്രറി കൗണ്‍സില്‍ അധ്യക്ഷന്‍ ടി.കെ.നാരായണദാസ്, സാഹിത്യ അക്കാദമി സെക്രട്ടറി കെ.പി.മോഹനന്‍, സംഗീത നാടക അക്കാദമി സെക്രട്ടറിഎന്‍.രാധാകൃഷ്ണന്‍ നായര്‍ , എഴുത്തുകാരായ മുണ്ടുര്‍ സേതുമാധവന്‍ , ആഷാ മേനോന്‍, ഇ.പി.രാജഗോപാലന്‍, എസ് .രമേശന്‍, വിജു നായരങ്ങാടി, പ്രഫ: പി.എ.വാസുദേവന്‍, പി.കെ.സുധാകരന്‍ എന്നിവര്‍ പങ്കെടുക്കും. മത്സരവിജയികള്‍ക്കുള്ള സമ്മാന വിതരണം സമാപനവേദിയില്‍ നടക്കും.