കൊല്ലം: ജില്ലാ കലക്ടറുടെ ജനസമ്പര്‍ക്ക പരിപാടി 'സമാശ്വാസം 2017'  ഇന്ന് പത്തനാപുരം സെന്റ് സ്റ്റീഫന്‍സ് ഹയര്‍ സെക്കന്ററി സ്‌കൂളില്‍ നടക്കും. ജനസമ്പര്‍ക്ക പരിപാടിയില്‍ ആകെ 406 അപേക്ഷകള്‍ ലഭിച്ചു. അതില്‍ 250 എണ്ണം റവന്യൂ വകുപ്പുമായി ബന്ധപ്പെട്ടതും 156 എണ്ണം മറ്റ് വകുപ്പുകളുമായി ബന്ധപ്പെട്ടതുമാണ്. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും ധനസഹായത്തിനുള്ള പുതിയ അപേക്ഷകള്‍ വാങ്ങുന്നതിന് പ്രത്യേക കൗണ്ടറുകള്‍ പ്രവര്‍ത്തിക്കും. പൊതുജനങ്ങള്‍ക്ക് നേരിട്ടും കലക്ടര്‍ക്ക് പരാതികള്‍ നല്‍കാം. ജനസമ്പര്‍ക്ക പരിപാടിയില്‍ സബ് കലക്ടര്‍ ഡോ. എസ് ചിത്ര, എഡിഎം ഐ.അബ്ദുല്‍ സലാം, ഡെപ്യൂട്ടി കലക്ടര്‍മാര്‍, റവന്യൂ വകുപ്പിലേയും മറ്റ് വകുപ്പുകളിലേയും ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.