തിരുവനന്തപുരം: നയതന്ത്രബാഗു വഴിയുള്ള സ്വര്‍ണക്കടത്ത് കേസില്‍ പ്രതികള്‍ തലസ്ഥാനത്ത് ഒത്തു കൂടിയതിന്റെ കൂടുതല്‍ ദൃശ്യങ്ങള്‍ എന്‍.ഐ.എക്ക് ലഭിച്ചതായി വിവരം. 

പതിനൊന്നു സ്ഥലത്താണ് സ്വപ്നയും സരിത്തും സന്ദീപും ഒത്തു കൂടിയത്. ഇതില്‍ ശിവശങ്കറിന്റെ സാന്നിധ്യം ഉണ്ടോ എന്ന് പരിശോധിക്കുകയാണ് എന്‍.ഐ.എ. 

സ്വര്‍ണക്കടത്തില്‍ പങ്കാളികളായ മറ്റ് ഉദ്യോഗസ്ഥര്‍ ഉള്‍പ്പെടെയുള്ളവരുടെ പേരുകള്‍ എന്‍.ഐ.എയുടെ ചോദ്യം ചെയ്യലില്‍ സ്വപ്നയും സരിത്തും സന്ദീപും വെളിപ്പെടുത്തിയതായാണ് വിവരം. 

സ്വര്‍ണം അടങ്ങിയ ബാഗേജ് എത്തിയ ദിവസം ജലാലും റമീസും സെക്രട്ടേറിയറ്റിനടുത്തെ പഞ്ചനക്ഷത്ര ഹോട്ടലില്‍ താമസിച്ചിരുന്നുവെന്നും എന്‍.ഐ.എ കണ്ടെത്തിയിട്ടുണ്ട്. 

അതിനിടെ സരിത്തിനെ മാപ്പു സാക്ഷിയാക്കി കേസ് ബലപ്പെടുത്താനും എന്‍.ഐ.എ ആലോചിക്കുന്നുണ്ട്.