മലയിന്‍കീഴ് : വീട്ടിനു മുന്നില്‍ സൂക്ഷിച്ചിരുന്ന ബൈക്ക് മോഷ്ടിച്ച  സംഭവം പരാതിപ്പെട്ടതിനും ഒരാളെ അറസ്റ്റ് ചെയ്തതിലും വൈര്യാഗ്യം പൂണ്ട്  ബൈക്കുടമയെ ആക്രമിക്കാന്‍ ആയുധങ്ങളുമായി വന്ന മൂന്നംഗ സംഘത്തിലെ  രണ്ട് പേരെ മലയിന്‍കീഴ് പൊലിസ് പിടികൂടി.
കരമന നെടുങ്കാട് സ്വദേശി അനീഷ്(23), നേമം ഇടയ്‌ക്കോട് സ്വദേശി വിനോദ് ( 24) എന്നിവരെയാണ്  പിടികൂടിയത്.സംഘത്തിലെ പ്രധാന പ്രതി രതീഷ് ഓടി രക്ഷപ്പെട്ടു.ഈ കേസില്‍  മലയിന്‍കീഴ ്പലോട്ടുവിള കുഞ്ചിക്കോണം ആശാഭവനില്‍ സന്തോഷിനെ ( 21) നേരത്തെ പിടികൂടിയിരുന്നു.  കഴിഞ്ഞ 8ന് മലയിന്‍കീഴ് പാലോട്ടുവിള കരിയറവിള വീട്ടില്‍ വിഷ്ണുവിന്റെ ബൈക്കാണ് വീട്ടില്‍ നിന്നും  മോഷണം പോയത്. ആയുധങ്ങളുമായി വന്ന സംഘത്തെ കണ്ട് വിഷ്ണു രക്ഷപ്പെട്ടിരുന്നു.
വിഷ്ണുവിന്റെ പിന്നാലെ ഇവര്‍ പോകുന്നത് കണ്ട് നാട്ടുകാര്‍ വിവരമറിയിച്ചതിനെ തുടര്‍ന്നാണ് പൊലിസ് എത്തി പിടികൂടിയത്. അനീഷ് ഗുണ്ട പ്രവര്‍ത്തനം നടത്തുന്നയാളെന്ന് പൊലിസ് പറയുന്നു. വിഷ്ണുവിന്റെ സുഹൃത്തുക്കളാണ് ഇവര്‍.