തിരുവനന്തപുരം: ജലദൗര്‍ലഭ്യവും രൂക്ഷമായ വരള്‍ച്ചയും നിമിത്തം സംസ്ഥാനത്തിന്റെ വിവിധ ഭാഗങ്ങളില്‍ ജനജീവിതം ദുസ്സഷമാകുന്ന സാഹചര്യത്തില്‍ പ്രവാചകചര്യയിലെ മഴതേടിയുള്ള നിസ്‌കാരം നിര്‍വ്വഹിച്ച് പ്രത്യേക പ്രാര്‍ഥന നടത്താന്‍ വിശ്വാസികള്‍ രംഗത്തിറങ്ങണമെന്ന് തിരുവനന്തപുരം വലിയഖാസി ചേലക്കുളം മുഹമ്മദ് അബുല്‍ ബുഷ്‌റാ മൗലവി ആവശ്യപ്പെട്ടു.
 പ്രകൃതിക്കും പരിസ്ഥിതിക്കും ദോക്ഷം വരുത്തുന്ന പ്രവര്‍ത്തനങ്ങളില്‍ നിന്നും എല്ലാ വിഭാഗം ജനങ്ങളും പിന്തിരിയണം. സംസ്ഥാനത്തെ മുഴുവന്‍ ജലാശയങ്ങളെയും ശുദ്ധീകരിച്ച് സംരക്ഷിക്കുന്നതിന് സത്വര നടപടി സ്വീകരിക്കണമെന്നു സര്‍ക്കാരിനോട് അദ്ദേഹം അഭ്യര്‍ത്ഥിച്ചു.
പാപങ്ങളില്‍നിന്നും പശ്ചാത്തപിക്കാനും മത മൂല്യങ്ങള്‍ മുറുകെ പിടിക്കാനും മതപണ്ഡിതര്‍ വിശ്വാസികളെ കൂടുതല്‍ പ്രേരിപ്പിക്കണമെന്നും അദ്ദേഹം ആവശ്യപ്പെട്ടു.