ആര്‍പ്പൂക്കര: നിര്‍ത്തിയിട്ടിരുന്ന ബസിന് പിന്നില്‍ മറ്റൊരു ബസ് ഇടിച്ച് ഏഴുപേര്‍ക്ക് പരുക്ക്. ഇന്നലെ രാവിലെ 10 ന് മെഡിക്കല്‍ കോളജ് കുരിശുപള്ളി കവലയിലായിരുന്നു അപകടം.
മെഡിക്കല്‍ കോളജ് ബസ് സ്റ്റാന്‍ഡില്‍ നിന്ന് കോട്ടയത്തേക്ക് പോവുകയായിരുന്ന രണ്ട് സ്വകാര്യബസുകള്‍ തമ്മിലാണ് കൂട്ടിയിടിച്ചത്. തിരുവല്ല നിരണം മുതലപ്പാട് ജയരാജ് (57), ഗാന്ധിനഗര്‍ അതിരമ്പുഴ സുഭദ്രകുട്ടി (70), തിരുവല്ല പള്ളിപ്പറമ്പില്‍ ജോസഫിന്റെ ഭാര്യ സുമ (42), കാവാലം പടിഞ്ഞാറെ പുള്ളിങ്ങറ തങ്കച്ചന്‍ (54),ഭാര്യ ലീലാമണി (50), കല്ലറ മാന്‍വെട്ടം അജിത് വുഡ്ക്രാഫ്റ്റ് ജീവനക്കാരന്‍ യോഗേന്ദ്ര ചൗഹാന്‍ (34), കോതനല്ലൂര്‍ പുതുപ്പറമ്പില്‍ സുമേഷിന്റെ ഭാര്യ ജസീന (33) എന്നിവര്‍ക്കാണ് പരുക്കേറ്റത്.   ആരുടേയും പരുക്ക് ഗുരുതരമല്ല. ഗാന്ധിനഗര്‍ പൊലിസ് കേസെടുത്തു.