റിയാദ്: സഊദിയിൽ കഴിഞ്ഞ 24 മണിക്കൂറിനിടെ 2,541 രോഗികൾ രോഗ മുക്തരായതായി സഊദി ആരോഗ്യ മന്ത്രാലയം അറിയിച്ചു.  അതേസമയം, 30 രോഗികൾ മരണപ്പെടുകയും 1,968 പുതിയ രോഗ ബാധ സ്ഥിരീകരിക്കുകയും ചെയ്തിട്ടുണ്ട്.

   നിലവിൽ 2,120 രോഗികൾ അതീവ ഗുരുതരാവസ്ഥയിലുമാണ്. 43,885 രോഗികളാണ് വിവിധ ആശുപത്രികളിൽ ചികിത്സയിൽ കഴിയുന്നത്. 

     ഇതോടെ രാജ്യത്തെ വൈറസ് ബാധയേറ്റുള്ള മരണം 2,733 ആയും വൈറസ്  ബാധിതർ 266,941 ആയും ഉയർന്നിട്ടുണ്ട്. ഇന്ന് 2,541 രോഗികൾ രോഗ മുക്തി നേടിയതോടെ രാജ്യത്തെ ആകെ രോഗ മുക്തി നേടിയവരുടെ എണ്ണം 220,323 ആയും ഉയർന്നു.