തെല്‍ അവീവ്: കൊവിഡ് പ്രതിരോധ പ്രവര്‍ത്തനങ്ങളില്‍ സര്‍ക്കാരിന്റെ വീഴ്ച ചൂണ്ടിക്കാട്ടി ഇസ്‌റാഈലില്‍ പ്രക്ഷോഭം. പ്രക്ഷോഭകരെ ഒതുക്കാന്‍ പൊലിസ് കണ്ണീര്‍ വാതക പ്രയോഗവും ജലപീരങ്കിയും ഉപയോഗിച്ചു. 12 പേരെ അറസ്റ്റ് ചെയ്യുകയുമുണ്ടായി.

തൊഴിലില്ലായ്മ, അഴിമതി തുടങ്ങിയവയ്‌ക്കെതിരെയും ഇസ്‌റാഈലില്‍ പ്രക്ഷോഭം നടക്കുന്നുണ്ട്. പ്രധാനമന്ത്രി ബെഞ്ചമിന്‍ നെതന്യാഹുവിനെ ചോദ്യംചെയ്യണമെന്നാവശ്യപ്പെട്ടും പ്രതിഷേധം ശക്തമായിരുന്നു. നെതന്യാഹു പ്രധാനമന്ത്രി സ്ഥാനത്തു നിന്ന് രാജിവയ്ക്കണമെന്ന ആവശ്യവും ശക്തമാണ്.