ചാരുംമൂട്: കൊയ്ത്ത് കഴിഞ്ഞ് ഒരാഴ്ച കഴിഞ്ഞിട്ടും നെല്ല് ശേഖരിക്കുന്നില്ല. ഇടപ്പോണ്‍ ആമ്പടവംപുഞ്ചയിലെ കര്‍ഷകര്‍ പ്രതിസന്ധിയില്‍.
പുഞ്ചയില്‍ പതിനഞ്ച് ഏക്കറില്‍ ഒരാഴ്ച മുമ്പാണു കൊയ്ത്ത് നടന്നത്. കൊയ്‌തെട്ടത്ത  25 ടണ്ണോളം നെല്ലാണു പാടത്ത് കെട്ടിക്കിടക്കുന്നത്. സപ്ലൈക്കോയുടെ നേതൃത്വത്തിലാണു നെല്ല് ശേഖരിച്ചു വരുന്നത്.
ഉണക്കില്ലെന്നു പറഞ്ഞ് തങ്ങളുടെ നെല്ലെടുക്കാന്‍ അധികൃതര്‍ തയ്യാറായിട്ടില്ലെന്നു കര്‍ഷകര്‍ പറയുന്നു. ഇതിനെ തുടര്‍ന്ന് ഒരാഴ്ചയായി പാടത്ത് നെല്ല് ഉണക്കുകയാണു കര്‍ഷകര്‍. കഠിന പ്രയത്‌നത്തിലൂടെ കൃഷി നടത്തിയവരോട് പക വീട്ടുന്നതു പോലെയാണ് ബന്ധപ്പെട്ടവരുടെ നടപടികളെന്നും കര്‍ഷകര്‍ പറഞ്ഞു.