മുതുകുളം: ഗ്രാമപഞ്ചായത്തിലെ 'മനീഷി-2016' അവാര്‍ഡ് ദാനം നടന്നു. പ്രതിപക്ഷ നേതാവ് രമേശ്‌ചെന്നിത്തല ഉദ്ഘാടനം ചെയ്തു.
ഗ്രാമപഞ്ചായത്ത് പ്രസിഡന്റ് ബി.എസ്. സുജിത്ത്‌ലാല്‍ അധ്യക്ഷത വഹിച്ചു.
മുന്‍ എം.എല്‍.എ ബി. ബാബുപ്രസാദ്, ജില്ലാ പഞ്ചായത്ത് അംഗം ബബിതാജയന്‍, ഗ്രാമപഞ്ചായത്ത് വൈസ് പ്രസിഡന്റ് ഡി. സുജാത, സ്ഥിരം സമിതി അധ്യക്ഷരായ എം. രാമചന്ദ്രക്കുറുപ്പ്, എം. സുകുമാരന്‍, മീരാഭായി അംഗങ്ങളായ ജെ. ദാസന്‍, ഷീജാമോള്‍, കെ.എസ്. ഷാനി, രമാദേവി, എസ്. ഷീജ, ശാലിസന്തോഷ്, ഷെര്‍ലിമോഹന്‍, സെക്രട്ടറി എസ്. ശ്രീകുമാര്‍ തുടങ്ങിയവര്‍ പ്രസംഗിച്ചു.
ഗ്രാമപഞ്ചായത്ത് നിവാസികളായ എസ്എസ്എല്‍സി., പ്ലസ്ടൂ പരീക്ഷകളില്‍ എല്ലാ വിഷയങ്ങള്‍ക്കും എപ്ലസ് നേടി ഉന്നതവിജയം നേടിയ കുട്ടികള്‍ക്കും, കഴിഞ്ഞ മെഡിക്കല്‍ എന്‍ജിനീയറിങ് എന്‍ട്രന്‍സ് പരീക്ഷയില്‍ ഉയര്‍ന്ന റാങ്ക് നേടിയ കുട്ടികള്‍ക്കും, വിവിധ മേഖലകളില്‍ പ്രാവീണ്യം തെളിയിച്ചവര്‍ക്കുമാണ് അവാര്‍ഡുകള്‍ നല്‍കിയത്.