നെയ്യാറ്റിന്‍കര: നിംസ് മെഡിസിറ്റിയുടെ അത്യാധുനിക ഓഡിയോളജി ലാബിന്റെ ഉദ്ഘാടനം ചെറിയാന്‍ ഫിലിപ്പും ജനിതക ലബോറട്ടറിയുടെ ആദ്യഘട്ട പ്രവര്‍ത്തന ഉദ്ഘാടനം ഡെപ്യൂട്ടി സ്പീക്കര്‍ ശശിയും നിര്‍വഹിച്ചു.
നൂറുല്‍ ഇസ്‌ലാം പ്രോ ചാന്‍സലര്‍ എം.എസ്.ഫൈസല്‍ഖാന്‍ അധ്യക്ഷത വഹിച്ച ചടങ്ങില്‍ നഗരസഭ വൈസ് ചെയര്‍മാന്‍ ഷിബു, ഗാന്ധിയന്‍ പത്മശ്രീ ഗോപിനാഥന്‍നായര്‍, അഡ്വ. വിനോദ്‌സെന്‍, ഡോ. ഹസീന, ഡോ. നയതാര, ഡോ. സോമരാജന്‍, ഡോ. ശിവദാസന്‍, നൂറുല്‍ ഇസ്‌ലാം യൂനിവേഴ്‌സിറ്റിയിലെ ബി.എസ്.സി ഓഡിയോളജിയിലേയും ഹ്യൂമന്‍ ജനറ്റിക്‌സി ലേയും വിദ്യാര്‍ഥികളും പങ്കെടുത്തു.
ഓഡിയോളജി ലാബിന്റെ ഉദ്ഘാടനത്തോടനുബന്ധിച്ച് 60 ഓളം നവജാത ശിശുക്കള്‍ക്ക് സൗജന്യ ശ്രവണ പരിശോധന നടത്തുകയും പ്രമുഖ ഗാന്ധിയന്‍ പി. ഗോപിനാഥന്‍നായര്‍ക്ക് ഹിയറിങ് എയ്ഡ് നല്‍കുകയും ചെയ്തു.