കൊല്ലം: രാഷ്ട്രീയ പ്രവര്‍ത്തനത്തോടൊപ്പം തന്നെ സാമൂഹ്യ പ്രതിബദ്ധത കൂടി ഏറ്റെടുത്താണ് ജില്ലാ കോണ്‍ഗ്രസ് കമ്മിറ്റി പി.എസ്.സി സൗജന്യ കോച്ചിങ് ക്ലാസ് ആരംഭിച്ചതെന്ന് പ്രസിഡന്റ് ബിന്ദുകൃഷ്ണ പറഞ്ഞു.
പരിശീലന പരിപാടിയുടെ ഭാഗമായി നടന്ന സെമിനാര്‍ ഉദ്ഘാടനം ചെയ്യുകയായിരുന്നു അവര്‍. ജില്ലയില്‍ ഒന്നര വര്‍ഷക്കാലമായി നടന്നുവരുന്ന പരിശീലന ക്ലാസില്‍ ഇതിനകം 600 ഓളം പഠിതാക്കള്‍ പങ്കെടുത്തു. നിരവധി പേര്‍ക്ക് വിവിധ വകുപ്പുകളില്‍ നടന്ന ടെസ്റ്റുകളില്‍ ഉയര്‍ന്ന റാങ്ക് നേടാനും ഇതിലൂടെ കഴിഞ്ഞിട്ടുണ്ടെന്നും ബിന്ദു കൃഷ്ണ പറഞ്ഞു. ഡി.സി.സി വൈസ് പ്രസിഡന്റ് എസ്. വിപിന ചന്ദ്രന്‍ അധ്യക്ഷയായി.
പി.എസ്.സി മുന്‍ അംഗങ്ങളായ പ്രൊഫ. ഇ. മേരിദാസന്‍, കെ. ബേബിസണ്‍, ഡി.സി.സി ഭാരവാഹികളായ നെടുങ്ങോലം രഘു, എന്‍. ഉണ്ണികൃഷ്ണന്‍, ത്രിദീപ് കുമാര്‍, കെ.കെ സുനില്‍ കുമാര്‍, ആദിക്കാട് മധു, എം.എം സഞ്ജീവ് കുമാര്‍, കോ-ഓര്‍ഡിനേറ്റര്‍ തട്ടാമല രാജന്‍ സംസാരിച്ചു.'പി.എസ്.സി കടമ്പ കടക്കാന്‍ ഒരു വഴിയൊരുക്കം' എന്ന വിഷയം പി.എസ്.സി മുന്‍ പരീക്ഷാ കണ്‍ട്രോളര്‍ മരുതംകുഴി സതീഷ്‌കുമാര്‍ അവതരിപ്പിച്ചു.