ബോവിക്കാനം: അകാലത്തില്‍ പൊലിഞ്ഞുപോയ മുസ്്‌ലിം ലീഗ് നേതാക്കളായ ബി. ഉമ്മര്‍, ബി. സുലൈമാന്‍ എന്നിവര്‍ പൊതുപ്രവര്‍ത്തകര്‍ക്ക് മാതൃകയാണെന്ന് മുസ്്‌ലിം ലീഗ് ജില്ലാ ജനറല്‍ സെക്രട്ടറി എ. അബ്ദുല്‍ റഹ്്മാന്‍ പറഞ്ഞു. മുസ്്‌ലിം ലീഗ് മുളിയാര്‍ പഞ്ചായത്ത് കമ്മിറ്റി സംഘടിപ്പിച്ച അനുസ്മരണ സംഗമം ഉദ്ഘാടനം ചെയ്യുകയായിരുന്നു അദ്ദേഹം. പഞ്ചായത്ത് പ്രസിഡന്റ് കെ.ബി മുഹമ്മദ് കുഞ്ഞി അധ്യക്ഷനായി. മണ്ഡലം പ്രസിഡന്റ് കെ.ഇ.എ ബക്കര്‍ അനുസ്മരണ പ്രഭാഷണം നടത്തി. പ്ലസ് ടു, എസ്.എസ്.എല്‍.സി, സമസ്ത പൊതുപരീക്ഷ എന്നിവയില്‍ ഉന്നത വിജയം കരസ്ഥമാക്കിയ വിദ്യാര്‍ഥികള്‍ക്ക് മുസ്്‌ലിം ലീഗ് ജില്ലാ വൈസ് പ്രസിഡന്റ് എം.എസ് മുഹമ്മദ് കുഞ്ഞി ഉപഹാരം നല്‍കി.
മണ്ഡലം ജനറല്‍ സെക്രട്ടറി എ.ബി ഷാഫി, ഗ്രാമപഞ്ചായത്ത് പ്രസിഡന്റ് ഖാലിദ് ബെള്ളിപ്പാടി, യൂത്ത് ലീഗ് ജില്ലാ പ്രസിഡന്റ് അഷ്‌റഫ് എടനീര്‍, എസ്.ടി.യു ജില്ലാ ജനറല്‍ സെക്രട്ടറി ഷറീഫ് കൊടവഞ്ചി, മന്‍സൂര്‍ മല്ലത്ത്, ബി.എം അഷ്‌റഫ്, പി.എ ഹസൈനാര്‍, ബാത്തിഷ പൊവ്വല്‍ അബ്ബാസ് കൊളച്ചപ്പ്, സിദ്ദീഖ് ബോവിക്കാനം അബ്ദുള്ളക്കുഞ്ഞി ഹാജി, ബി.കെ ഹംസ ആലൂര്‍, മറിയമ്മ അബ്ദുല്‍ ഖാദര്‍, ഹാരിസ് ബോവിക്കാനം, നഫിസ മുഹമ്മദ് കുഞ്ഞി, അനീസ മന്‍സൂര്‍ മല്ലത്ത്, നസീമ, ഷഫീഖ് ആലൂര്‍, മുഹമ്മദ് കുഞ്ഞി, എസ്.എം മുഹമ്മദ് കുഞ്ഞി എന്നിവര്‍ സംസാരിച്ചു.