കായംകുളം: ദക്ഷിണ കേരള ജംഇയ്യത്തുല്‍ ഉലമ ആലപ്പുഴ ജില്ലാ കമ്മിറ്റി സംഘടിപ്പിക്കുന്ന ഹജ്ജ് പഠന ക്ലാസ് ടി.എ കണ്‍വന്‍ഷന്‍ സെന്ററില്‍ വച്ച് ജൂലൈ 17ന് നടക്കും. മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും. ദക്ഷിണ കേരള ജംഇയ്യത്തുല്‍ ഉലമ സംസ്ഥാന പ്രസിഡന്റ് വി.എം മൂസാ മൗലവി വടുതല അധ്യക്ഷനാകും.
സംസ്ഥാന ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി, കേരളാ മുസ്‌ലിം ജമാഅത്ത് ഫെഡറേഷന്‍ സംസ്ഥാന പ്രസിഡന്റ് കടക്കല്‍ അബ്ദുല്‍ അസീസ് മൗലവി എന്നിവര്‍ മുഖ്യ പ്രഭാഷണം നടത്തും. എ. ഖമറുദീന്‍ മൗലവി, എ.കെ ഉമര്‍ മൗലവി എന്നിവര്‍ ക്ലാസ് നയിക്കുകയും ചെയ്യുമെന്ന് ഡി .കെ.ജെ.യു ജില്ലാ സെക്രട്ടറി കെ. ജലാലുദീന്‍ മൗലവി അറിയിച്ചു.