ആലപ്പുഴ: ഇന്ത്യന്‍ കയാക്കിങ് ആന്റ് കനോയിങ് അസോസിയേഷന്‍ അടുത്തമാസം രണ്ടുമുതല്‍ നാലുവരെ ഗ്വാളിയാറിലെ ബിന്ദില്‍ വച്ച് നടക്കുന്ന ചാംപ്യന്‍ഷിപ്പിലും ഡ്രാഗണ്‍ ബോട്ട് ചാംപ്യന്‍ഷിപ്പിലും പങ്കെടുക്കുന്നതിനായി 57 അംഗ കേരള ടീം ഇന്ന് യാത്ര തിരിക്കുമെന്ന് കേരളാ കയാക്കിങ് ആന്റ് കനോയിങ് അസോസിയേഷന്‍ താത്ക്കാലിക കമ്മിറ്റി ചെയര്‍മാന്‍ അനില്‍ബോസ് വാര്‍ത്താസമ്മേളനത്തില്‍ അറിയിച്ചു.
കനോയിങ് മോഡല്‍ ജോതാക്കളായ ആര്യാമോള്‍, വിനീത പി, നാഷണല്‍ ക്യാംപില്‍ പങ്കെടുത്തിട്ടുള്ള ആഷ്‌ലി, ശില്‍പ്പ, അഖില, സേതു എന്നിവരുള്‍പ്പടെയുള്ള സംഘമാണ് ഗ്വാളിയാറിലേയ്ക്ക് പോകുന്നത്. ഇന്ന് രാവിലെ ഒന്‍പതിന് ആലപ്പുഴ റെയില്‍വേ സ്റ്റേഷനില്‍ നിന്നും സംഘം പുറപ്പെടും. ഇവര്‍ക്കുള്ള എല്ലാ ക്രമീകരണങ്ങളും പൂര്‍ത്തിയായതായി അനില്‍ബോസ് അറിയിച്ചു.