ടെക്‌സാസ്: അജയ്യവും വിനാശകരവുമായ മതിലെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് വിശേഷിപ്പിച്ച മെക്‌സിക്കന്‍ അതിര്‍ത്തിയിലെ മതില്‍ ഹന്ന കൊടുങ്കാറ്റില്‍ തകര്‍ന്നു. ഇന്നു രാവിലെ അടിച്ചുവീശിയ കാറ്റിലാണ് മതിലിന്റെ ഒരു ഭാഗം തകര്‍ന്നത്.

മതിലിന്റെ ഒരു ഭാഗം തകര്‍ന്നാടുന്നതിന്റെ വീഡിയോ ട്വിറ്ററില്‍ വൈറലാവുകയാണ്. മെക്‌സിക്കന്‍ അതിര്‍ത്തി കൊട്ടിയടക്കാന്‍ ട്രംപ് പണിത മതിലിന്റെ ഭാഗമാണിത്. അടുത്ത തെരഞ്ഞെടുപ്പിലെ പ്രധാന പ്രചരണായുധവും ഇതായിരുന്നു.

എന്നാല്‍ മതിലിന്റെ ഭാഗം കാറ്റില്‍ തകര്‍ന്നതോടെ എതിരാളികള്‍ ട്രംപിനെ ട്രോളാന്‍ വേണ്ടി ഉപയോഗിച്ചിരിക്കുകയാണിപ്പോള്‍. ലോകത്തിലെ ഏറ്റവും ശക്തവും അജയ്യവുമായ മതിലാണിതെന്നായിരുന്നു ട്രംപ് വിശേഷിപ്പിച്ചത്. ഇതു ചൂണ്ടിക്കാട്ടിയും ആളുകള്‍ ട്രോളുന്നുണ്ട്.

ഇതിനകം 11 ബില്യണ്‍ ചെലവിട്ട് നിര്‍മിച്ച മതിലിന്റെ കാര്യം തിരിച്ചുള്ള പ്രചരണായുധമാക്കി മാറ്റാന്‍ അവസരം കിട്ടിയിരിക്കുകയാണ് എതിരാളികള്‍ക്ക്. മതില്‍ പൂര്‍ത്തിയാകുമ്പോള്‍ 21.6 ബില്യണ്‍ ചെലവ് വരും.