അമ്പലപ്പുഴ: എസ്.കെ.എസ്.എസ്.എഫ് മദീന പാഷന്‍ ആലപ്പുഴ ജില്ലാ സമ്മേളനം ഇന്നും നാളെയുമായി വളഞ്ഞവഴി ഹുദൈബിയ നഗരില്‍ നടക്കും. വൈകിട്ട് മൂന്നിന് ക്യാംപ് രജിസ്‌ട്രേഷന്‍. തുടര്‍ന്ന് കാക്കാഴം മസ്ജിദ്  ചീഫ് ഇമാം കുഞ്ഞ് മുഹമ്മദ് ബാഖവി പതാക ഉയര്‍ത്തും. അഞ്ചിന് ആരംഭിക്കുന്ന ഉദ്ഘാടന സെക്ഷനില്‍  യു അഷറഫ് അധ്യക്ഷത വഹിക്കും. അഹമ്മദ് നീര്‍ക്കുന്നം സ്വാഗതം പറയും. സയ്യിദ്  അബ്ദുല്ല തങ്ങള്‍ ദാരിമി ഐദ്രൂസി പ്രാര്‍ഥന നടത്തും.
സമസ്ത ജില്ലാ പ്രസിഡന്റ് സി.മുഹമ്മദ് അല്‍ ഖാസിമി ഉദ്ഘാടനം നിര്‍വഹിക്കും.സമസ്ത വിശ്വ ഇസ്്‌ലാമിക ഏകകം എന്ന വിഷയത്തില്‍  ജാബിര്‍ ഹുദവി തൃക്കരിപ്പൂര്‍ , ന്യൂജന്‍ ഹോപ്‌സ് എന്ന തലക്കെട്ടില്‍ റഷീദ് ഫൈസി വെള്ളായിക്കോട് തുടങ്ങിയവര്‍ ക്ലാസ് നയിക്കും. മജ്‌ലിസുന്നൂറിന് സയ്യിദ് റശീദലി ശിഹാബ് തങ്ങള്‍ പാണക്കാട് നേതൃത്വം നല്‍കും. നാളെ  രാവിലെ ആറിന് ഉസ്‌വതുല്‍ ഹസന എന്ന വിഷയത്തില്‍ ആസിഫ് ദാരിമി പുളിക്കല്‍ ക്ലാസ് നയിക്കും.തുടര്‍ന്ന് നടക്കുന്ന മോട്ടിവേഷന്‍ ക്ലാസിന് ഡോ.അബ്ദുല്‍ ജബ്ബാര്‍ നേതൃത്വം നല്‍കും.
 ' ആദര്‍ശ ഭദ്രത ആത്യന്തിക വിജയത്തിന് ' എന്ന വിഷയത്തില്‍ അമീര്‍ ഹുസൈന്‍ ഹുദവി ,മലപ്പുറം ക്ലാസ് നയിക്കും. തുടര്‍ന്ന് സംഘടന സംഘാടനം എന്ന തലക്കെട്ടില്‍ ഷാഹുല്‍ ഹമീദ് മേല്‍മുറി ക്ലാസ് നയിക്കും. സ്‌നേഹ ജാലകം എന്ന സെക്ഷനില്‍ ഖലീല്‍ വാഫി മലപ്പുറം സംസാരിക്കും.മെഡിറ്റേഷന്‍ എന്ന വിഷയത്തില്‍ ഷെമീം ഫൈസി മഞ്ചേരി ക്ലാസ് നയിക്കും.
 സമ്മേളനത്തിന്റെ ഭാഗമായി വാഹന പ്രചരണ ജാഥ നടത്തി. പുറക്കാട് അറബി സയ്യിദ് തങ്ങളുടെ മഖാം സിയാറത്തിന് സയ്യിദ് അബ്ദുല്ല തങ്ങള്‍ ഐദ്രോസി നേതൃത്വം നല്‍കി. അബ്ദുറഹ്മാന്‍ അല്‍ഖാസിമി,സ്വാദിഖ് അന്‍വരി, നവാസ് പാനൂര്‍,അഹ്മദ് നീര്‍ക്കുന്നം,മവാഹിബ് അരീപ്പുറം, അബ്ദുല്‍ റഷീദ് അസ്്‌ലമി, ഹസീബ് മുസ്്‌ലിയാര്‍, യു അഷറഫ് പുന്നപ്ര,നാസിം വലിയമരം,നിയാസ് മദനി,നവാസ് അന്‍വരി , നവാബ് കാക്കാഴം എന്നിവര്‍ നേതൃത്വം നല്‍കി. ജാഥ പുറക്കാട് നിന്ന് ആരംഭിച്ച് വിവിധ യൂനിറ്റുകളുടെ സ്വീകരണം ഏറ്റുവാങ്ങി പുന്നപ്ര ചന്തവഴി വളഞ്ഞവഴി ഹുദൈബിയ നഗരില്‍ സമാപിച്ചു.