കോതമംഗലം: തട്ടേക്കാട് വനത്തില്‍ ദുരൂഹ സാഹചര്യത്തില്‍ തുടയില്‍ വെടിയേറ്റ് രക്തം വാര്‍ന്ന് മരിച്ച ടോണിമാത്യുവിന്റെ മരണം സംബന്ധിച്ച് ക്രൈംബ്രാഞ്ച് അന്വേഷിക്കണമെന്നാവശ്യപെട്ട് ആന്റണി ജോണ്‍ എം.എല്‍.എയുടെ നേതൃത്വത്തില്‍ മുഖ്യമന്ത്രിക്ക് നിവേദനം നല്‍കി.
2017 ജനുവരി നാലിനാണ് തട്ടേക്കാട് വനത്തില്‍ കൂട്ട് കാരോടൊപ്പം നായാട്ടിന് പോയ ടോണി വെടിയേറ്റ് മരിച്ചത്.മുഖ്യമന്ത്രിയുടെ നിര്‍ദ്ദേശപ്രകാരം ഡി.ജി.പി എറണാകുളം ക്രൈംബ്രാഞ്ച് എസ്.പിയെ കൊണ്ട് പ്രാഥമിക റിപ്പോര്‍ട്ട് തേടുകയും ചെയ്തു.ആവശ്യമെങ്കില്‍ അന്വേഷണം ക്രൈം ബ്രാഞ്ച് ഏറ്റെടുക്കുമെന്ന് ഡി.ജി.പി എം.എല്‍.എ അറിയിച്ചു.എം.എല്‍.എയോടൊപ്പം ടോണിയുടെ പിതാവ് മാത്യു, സി.പി.എം ഏരിയ കമ്മറ്റിയംഗം കെ.കെ.ശിവന്‍, സി.പി.ഐ സംസ്ഥാന സമിതിയംഗം ഇ.കെ.ശിവന്‍ എന്നിവരും ഉണ്ടായിരുന്നു.