കോട്ടയം : പരിശുദ്ധ ഹജ്ജ് കര്‍മ്മത്തിനായി ജില്ലയില്‍ നിന്ന് പുറപ്പെടുന്നവര്‍ക്ക് തിരുനക്കര പുത്തന്‍പള്ളി ജമാഅത്തിന്റെ ആഭിമുഖ്യത്തില്‍ സമുചിതമായ യാത്രയയപ്പ് നല്‍കി.ചടങ്ങിനോടനുബന്ധിച്ച് ജമാഅത്തില്‍ നിന്ന് എസ്.എസ്.എല്‍.സി, പ്ലസ്ടു പരീക്ഷകളില്‍ മികച്ച വിജയം കരസ്ഥമാക്കിയ വിദ്യാര്‍ത്ഥികള്‍ക്കുള്ള ക്യാഷ് അവാര്‍ഡുകളും സര്‍ട്ടിഫിക്കറ്റുകളും വിതരണം ചെയ്തു.
ജമാഅത്ത് പരിപാലന സമിതി പ്രസിഡന്റ് വി.ഒ അബുസാലി അധ്യക്ഷനായി. ചീഫ് ഇമാം മഅ്മൂന്‍ ഹുദവി വണ്ടൂര്‍ യോഗം ഉദ്ഘാടനം ചെയ്തു. ഇമാം കെ.എം ത്വാഹാ മൗലവി അല്‍ഹസനി, സെക്രട്ടറി എന്‍.എ ഹബീബ്, നന്തിയോട് ബഷീര്‍, എസ്.കൊച്ചുമോന്‍,നാസര്‍ തുണ്ടിയില്‍,ജബ്ബാര്‍ തവക്കല്‍,ഇസ്മായില്‍ കറുകഞ്ചേരി,കബീര്‍,മുഹമ്മദ് സാലി, ഹുമയൂണ്‍ കബീര്‍,കേരള ഹജ്ജ് പരിശീലകന്‍ മുഹമ്മജ് അജി, മജീദ് വാഴക്കൂട്ടത്തില്‍ സംസാരിച്ചു.