മാന്നാര്‍: അമ്പലക്കുളത്തില്‍ മുങ്ങിത്താഴ്ന്ന വിദ്യാര്‍ഥിയെ യുവാവ് രക്ഷിച്ചു. തൃക്കുരട്ടി ക്ഷേത്രത്തിന് സമീപമുള്ള തന്മടിക്കുളത്തിലാണ് ശ്രീ ഭുവനേശ്വരി സ്‌കൂളിലെ പത്താം ക്ലാസ് വിദ്യാര്‍ഥി വിവേക് (15) കൂട്ടുകാര്‍ക്കൊപ്പം കുളിക്കുന്നതിനിടയില്‍ മുങ്ങിതാഴ്ന്നത്.
കൂടെയുള്ള കുട്ടികളുടെ നിലവിളി കേട്ട് ക്ഷേത്രത്തില്‍ ദര്‍ശനത്തിന് എത്തിയ കടമ്പൂര്‍ സ്വദേശി അരുണ്‍ദാസ് (28) ഉടന്‍ കുളത്തില്‍ ചാടി വിവേകിനെ രക്ഷിക്കുകയായിരുന്നു.