അരൂര്‍: യാത്രയ്ക്കിടെ കളഞ്ഞുകിട്ടിയ സ്വര്‍ണവളകള്‍ തിരിച്ചുനല്‍കി യുവാവ് മാതൃകയായി. എഴുപുന്ന പുള്ളന്‍നികര്‍ത്തില്‍ ഒ.പി രാജേഷിന്റെ ഭാര്യയുടെ സ്വര്‍ണവളകളാണ് കളഞ്ഞുകിട്ടിയത്. തൈക്കാട്ടുശേരി വഴി ചന്തിരൂര്‍ക്ക് വരുകയായിരുന്ന കളത്തില്‍ കെ.സി ഷാജിക്കാണ് റോഡരികില്‍നിന്ന് വളകളടങ്ങിയ പ്ലസ്റ്റിക്ക് കവര്‍ ലഭിച്ചത്. സ്വര്‍ണം കളഞ്ഞുകിട്ടിയ വിവരം അരൂര്‍ പൊലിസ് സ്റ്റേഷനില്‍ അറിയിച്ചു.
എസ്.ഐ കെ.എന്‍ മനോജിന്റയും എ.എസ്.ഐ ഷാജിമോന്‍, ജി. രാമചന്ദ്രന്‍ എന്നിവരുടെ ഇടപെടലാണ് രാജേഷിന് സ്വര്‍ണം തിരിച്ചുകിട്ടാന്‍ ഇടയാക്കിയത്. വൈക്കം കെ.എസ്.ആര്‍.ടി.സി ഡിപ്പോയിലെ മെക്കാനിക്കാണ് രാജേഷ്. കെ.എസ്.എഫ്.ഇയുടെ കുത്തിയതോട് ശാഖയില്‍ പണയത്തിലിരുന്ന മൂന്ന് പവന്റെ വള തിരികെയെടുത്ത് മടങ്ങുമ്പോള്‍ തൈക്കാട്ടുശ്ശേയില്‍ വച്ചാണ് വളകള്‍ താഴെ വീണത്. ഷാജിയെ അനുമോദിക്കുകയും പാരിതോഷികം നല്‍കി ആദരിക്കുകയും ചെയ്തു.