നന്തി: 'ഉലുല്‍ ഇല്‍മിന്റെ ഉല്‍കൃഷ്ടത' പ്രമേയത്തില്‍ നന്തി ജാമിഅ ദാറുസ്സലാം അല്‍ ഇസ്‌ലാമിയ്യയുടെ 43-ാം വാര്‍ഷിക 14-ാം സനദ്ദാന മഹാസമ്മേളനത്തിന് ഇന്ന് തുടക്കമാകും. രാവിലെ ഒന്‍പതിന് പ്രാരംഭ സമ്മേളനം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ടി.എസ് ഇബ്‌റാഹിം മുസ്‌ലിയാര്‍ അധ്യക്ഷനാകും. സമ്മേളനത്തോട് അനുബന്ധിച്ച് പുറത്തിറക്കുന്ന സുവനീര്‍ തഖിയുദ്ദീന്‍ ഹൈത്തമി പ്രകാശനം ചെയ്യും. ആര്‍.കെ കുഞ്ഞബ്ദുല്ല ഹാജി വില്യാപ്പള്ളി ഏറ്റുവാങ്ങും. ബാസിത്ത് നീരുട്ടിക്കല്‍ സുവനീര്‍ പരിചയപ്പെടുത്തും.

തുടന്ന് നാഷനല്‍ ഹിഫ്‌ള് കോംപറ്റീഷന്‍ ഇന്‍ഡ്രൊഡെക്ഷന്‍ അസ്അദ് ഹുസൈന്‍ അല്‍ഖാസിമി ബിഹാര്‍ നിര്‍വഹിക്കും. രാത്രി ഒന്‍പതിന് അവാര്‍ഡ് സംഗമം പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും. ഖാരിഅ് അബ്ദുല്‍ ഖാദര്‍ മുസ്‌ലിയാര്‍ മുണ്ടേരി അധ്യക്ഷനാകും.
അവാര്‍ഡ് ദാനം പാലത്തായി മൊയ്തു ഹാജി, നടുക്കണ്ടി കുഞ്ഞബ്ദുല്ല ഹാജി കുന്നുമ്മക്കര, പി.പി അന്ത്രു ഹാജി ഓര്‍ക്കാട്ടേരി എന്നിവര്‍ നിര്‍വഹിക്കും. അഹ്മദ് സുഹൈല്‍ ഹൈത്തമി പള്ളിക്കര 'ഹിഫ്‌ളുല്‍ ഖുര്‍ആന്‍: ഗതകാല ചരിത്രം' വിഷയത്തില്‍ പ്രഭാഷണം നടത്തും.

നാളെ രാവിലെ 10ന് വിദ്യാഭ്യാസ സെമിനാര്‍ സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. ഹംസക്കുട്ടി മുസ്‌ലിയാര്‍ ആദൃശേരി അധ്യക്ഷനാകും. ശുഐബുല്‍ ഹൈതമി വാരാമ്പറ്റ, ഡോ. അബ്ദുല്‍ ബര്‍റ് വാഫി, കെ.ടി ജാബിര്‍ ഹുദവി പറമ്പില്‍പീടിക എന്നിവര്‍ 'വനിതാ കോളജുകള്‍ പ്രതീക്ഷയും ആശങ്കയും' വിഷയത്തില്‍ സംസാരിക്കും. അബ്ദുല്‍ ഹമീദ് ഫൈസി അമ്പലക്കടവ് മോഡറേറ്ററായിരിക്കും.

ഉച്ചക്ക് രണ്ടിന് നടക്കുന്ന സാംസ്‌കാരിക സമ്മേളനം കെ. ദാസന്‍ എം.എല്‍.എ ഉദ്ഘാടനം ചെയ്യും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും. വൈകിട്ട് നാലിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ പതാക ഉയര്‍ത്തും. രാത്രി ഏഴിന് മതപ്രഭാഷണ സദസ് പാണക്കാട് സയ്യിദ് മുഈനലി ശിഹാബ് തങ്ങള്‍ ഉദ്ഘാടനം ചെയ്യും. അബ്ദുല്‍ ഖാദര്‍ അല്‍ഖാസിമി മാണിയൂര്‍ അധ്യക്ഷനാകും. സിറാജുദ്ദീന്‍ ഖാസിമി പത്തനാപുരം മതപ്രഭാഷണം നടത്തും. ഒന്‍പതിന് ദിക്ര്‍ ദുആ മജ്‌ലിസിന് മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും..