മലപ്പുറം: പട്ടിക്കാട് ജാമിഅ നൂരിയ്യ പൂര്‍വവിദ്യാര്‍ഥി സംഘടന ഓസ്‌ഫോജ്‌ന കേന്ദ്ര കമ്മിറ്റി സംഘടിപ്പിക്കുന്ന സയ്യിദ് മുഹമ്മദലി ശിഹാബ് തങ്ങള്‍ ഉറൂസ് മുബാറക് ഇന്നു ജാമിഅ നൂരിയ്യ കാംപസില്‍ നടക്കും.

വൈകിട്ട് നാലിന് ജാമിഅ പ്രസിഡന്റും സമസ്ത ഉപാധ്യക്ഷനുമായ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ അധ്യക്ഷനാകും.

ജാമിഅ ജനറല്‍ സെക്രട്ടറി പാണക്കാട് സയ്യിദ് സാദിഖലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കോട്ടുമല മൊയ്തീന്‍കുട്ടി മുസ്‌ലിയാര്‍, പി.കെ കുഞ്ഞാലിക്കുട്ടി, പുത്തനഴി മൊയ്തീന്‍ ഫൈസി, പി. അബ്ദുല്‍ ഹമീദ് മാസ്റ്റര്‍ പ്രസംഗിക്കും.
ഹൈദര്‍ ഫൈസി പനങ്ങാങ്ങര, വാക്കോട് മൊയ്തീന്‍കുട്ടി മുസ്‌ലിയാര്‍, കെ.എ റഹ്മാന്‍ ഫൈസി, അസ്ഗറലി ഫൈസി പട്ടിക്കാട് എന്നിവര്‍ മൗലിദ് സദസിന് നേതൃത്വം നല്‍കും. ഏലംകുളം ബാപ്പു മുസ്‌ലിയാര്‍ സമാപന പ്രാര്‍ഥന നിര്‍വഹിക്കും.