കല്‍പ്പറ്റ: മദ്‌റസാ സംവിധാനം കാലികമായും ശാസ്ത്രീയമായും പരിഷ്‌കരിക്കുകയെന്ന ലക്ഷ്യത്താല്‍ പുത്തന്‍ പദ്ധതികളുമായി മാനേജ്‌മെന്റ് അസോസിയേഷന്‍ ജില്ലാ കമ്മിറ്റി കര്‍മവീഥിയില്‍.
അസോസിയേഷന്റെ ജില്ലാ പ്രവര്‍ത്തകസമിതി അംഗങ്ങളും 14 റെയ്ഞ്ച്തല ഭാരവാഹികളും കല്‍പ്പറ്റ സമസ്ത കാര്യാലത്തില്‍ സംഗമിച്ച ജില്ലാ ശില്‍പശാലയിലാണ് പദ്ധതികള്‍ തയാറാക്കിയത്. ശില്‍പശാല കെ.ടി ഹംസ മുസ്്‌ലിയാര്‍ ഉദ്ഘാടനം ചെയ്തു. ജില്ലാ പ്രസിഡന്റ് ഇബ്‌റാഹിം മാസ്റ്റര്‍ അധ്യക്ഷനായി. ട്രൈയിനിങ് വിദഗ്ധന്‍ അഡ്വ. അബ്ദു നാസില്‍ അലനല്ലൂര്‍ നേതൃത്വം നല്‍കി.
പിണങ്ങോട് അബൂബക്കര്‍, വി മൂസക്കോയ മുസ്്‌ലിയാര്‍, എം.എം ഇമ്പിച്ചിക്കോയ മുസ്്‌ലിയാര്‍, അബ്ദുള്‍ ഖാദിര്‍ സി, പി.സി ഇബ്‌റാഹിം ഹാജി, കാഞ്ഞായി മമ്മൂട്ടി മുസ്്‌ലിയാര്‍, എം ഹസന്‍ മുസ്്‌ലിയാര്‍, ഹാരിസ് ബാഖവി കമ്പളക്കാട്, കെ മുഹമ്മദ്കുട്ടി ഹസനി, ഉസ്മാന്‍ ഫൈസി തരുവണ, കെ.എ നാസിര്‍ മൗലവി, വി അബ്ബാസ് ഫൈസി, അബ്ദുള്‍കരീം ബാഖവി, അഷ്‌റഫ് ഇടിയംവയല്‍, കെ.സി.കെ തങ്ങള്‍, കണക്കയില്‍ മുഹമ്മദ് ഹാജി, സി അബ്ദുല്ല ഹാജി സംസാരിച്ചു.
ജന.സെക്രട്ടറി എം മുഹമ്മദ് ബശീര്‍ സ്വാഗതവും എ അഷ്‌റഫ് ഫൈസി നന്ദിയും പറഞ്ഞു.