കല്‍പ്പറ്റ: ദേശസാല്‍കൃത ബാങ്കുകള്‍ പൊതുജനത്തെ കൊള്ളയടിക്കുന്നതില്‍ മത്സരിക്കുകയാണെന്ന് എന്‍.സി.പി സംസ്ഥാന കമ്മിറ്റിയംഗം സി.എം ശിവരാമന്‍ പറഞ്ഞു. എന്‍.സി.പി കല്‍പ്പറ്റ ബ്ലോക്ക് കമ്മിറ്റി എസ്.ബി.ഐ മെയിന്‍ ബ്രാഞ്ചിലേക്ക് സംഘടിപ്പിച്ച ധര്‍ണ ഉദ്ഘാടനം ചെയ്തു സംസാരിക്കുകയായിരുന്നു അദ്ദഹം. എ.ടി.എം കൗണ്ടറുകള്‍ നാക്കുകുത്തിയായിട്ടും ബാലന്‍സ് പരിശോധിക്കുന്നതിന് 23 രൂപയും മാസവരി  15 രൂപയും വാര്‍ഷിക സര്‍വിസ് ചാര്‍ജായി 125 രൂപയും ഈടാക്കുകയാണ്. ഈ രീതി തുടരാനാണ് ഭാവമെങ്കില്‍ അതിശക്തമായ റിലേ സത്യാഗ്രഹം അടക്കമുള്ള സമരങ്ങള്‍ക്ക് നിര്‍ബന്ധിതരാകുമെന്ന് മുന്നറിയിപ്പ് നല്‍കി. എന്‍.സി.പി കല്‍പ്പറ്റ ബ്ലോക്ക് പ്രസിഡന്റ് കെ. മുഹമ്മദലി അധ്യക്ഷനായി.  പി.പി സദാനന്ദന്‍, ജോണി  ൈകതമറ്റം, ചന്ദ്രന്‍, സെക്രട്ടറി അശോകന്‍, വേലായുധന്‍, ഷെമയൂണ്‍, വിനോദ് , വന്ദന ഷാജു, കൃഷ്ണദാസ്, ജെയിംസ്, പപ്പന്‍  കാക്കവയല്‍, എം.എം ജോസഫ്, ഉലഹന്നാന്‍ സംസാരിച്ചു.