കൊയിലാണ്ടി: കൊല്ലം പാറപ്പള്ളി മഖാം ഉറൂസ് മെയ് 12, 13, 14 തിയതികളില്‍ നടത്താന്‍ കൊല്ലം ജുമുഅത്ത് പള്ളി കമ്മിറ്റി തീരുമാനിച്ചു. സിദ്ദീഖ് കൂട്ടുംമ്മുഖം അധ്യക്ഷനായി. 12ന് നടക്കുന്ന മജ്‌ലിസുന്നൂറില്‍ റാഷിദ് ഗസാലി പ്രഭാഷണം നടത്തും. 13ന് ഹജ്ജ് ക്യാംപ് നടക്കും. റഫീഖ് സക്കരിയ്യ ഫൈസി ക്ലാസെടുക്കും. വൈകിട്ട് ഏഴിന് സ്വാലിഹ് ഫൈസി കിഴിശ്ശേരി പ്രഭാഷണം നടത്തും. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ദിക്ര്‍ ദുആ മജ്‌ലിസിന് നേതൃത്വം നല്‍കും. സമസ്ത മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍, കൊയിലാണ്ടി ഖാസി മുഹമ്മദ് മുസ്‌ലിയാര്‍, കാപ്പാട് ഖാസി ശിഹാബുദ്ദീന്‍ ഫൈസി, പുറക്കാട് ഖാസി ഇ.കെ അബൂബക്കര്‍ മുസ്‌ലിയാര്‍ സംബന്ധിക്കും. സ്വാഗതസംഘം ഭാരവാഹികളായി കൊല്ലം ഖാസി അബ്ദുല്‍ കരീം ദാരിമി (ചെയര്‍), അന്‍സാര്‍ കൊല്ലം (ജന. കണ്‍) എന്നിവരെ തിരഞ്ഞെടുത്തു. യോഗത്തില്‍ ഹസൈന്‍ ഫൈസി, ഗഫൂര്‍ മരുതംങ്കണ്ടി, മൊയ്തു ഹാജി, ബഷീര്‍ പാലക്കുളം, എ.കെ.സി മുഹമ്മദ്, തറമലകത്ത് അബ്ദുറഹ്മാന്‍ കുട്ടി, തൈവളപ്പില്‍ ഇസ്മായില്‍, കെ.എം ഇബിച്ചി അഹമ്മദ് സംബന്ധിച്ചു.