കോഴിക്കോട്: കാലിക്കറ്റ് ഗേള്‍സ് ഹയര്‍ സെക്കന്‍ഡറി സ്‌കൂള്‍ എന്‍.എസ്.എസിന് വീണ്ടും അംഗീകാരം.
ഈ വര്‍ഷത്തെ കേരള ഹയര്‍ സെക്കന്‍ഡറി ഡയറക്ട്രേറ്റിന്റെ മികച്ച സാമൂഹ്യ സേവനത്തിനുള്ള റീജ്യനല്‍ തല പുരസ്‌കാരമാണ് ഇവരെ തേടിയെത്തിയത്. മലബാര്‍ മേഖലയിലെ മികച്ച എന്‍.എസ്.എസ് യൂനിറ്റ്, മികച്ച പ്രോഗ്രാം ഓഫിസര്‍ ഷബ്‌ന ടി.പിക്കും, മികച്ച വളണ്ടിയര്‍ ലീഡര്‍ ഫാത്തിമ ഹര്‍ഷ എ.പി എന്നിവര്‍ക്കുമാണ് 2018ലെ അവാര്‍ഡ് ലഭിച്ചത്.സ്‌കൂള്‍ അന്താരാഷ്ട്ര പദവിയിലേക്ക് ഉയര്‍ന്ന ഘട്ടത്തിലാണ് ഈ അവാര്‍ഡ് ലഭിച്ചത്. 2010-11 വര്‍ഷത്തില്‍ ജില്ലയിലെ മികച്ച എന്‍.എസ്.എസ് യൂനിറ്റിനും മികച്ച പ്രോഗ്രാം ഓഫിസര്‍ക്കും അവാര്‍ഡ് ലഭിച്ചിട്ടുണ്ട്. സ്‌കൂള്‍ മാനേജ്‌മെന്റിന്റെയും പി.ടി.എയുടെയും പൂര്‍ണ പിന്തുണയോടെയാണ് എന്‍.എസ്.എസ് യൂനിറ്റ് പ്രവര്‍ത്തിച്ചിരുന്നത്.
പ്രവര്‍ത്തനങ്ങള്‍ക്ക് പ്രിന്‍സിപ്പല്‍ എം. അബ്ദു മാസ്റ്റര്‍, മുന്‍ പ്രിന്‍സിപ്പല്‍ സി.പി ആമിന ടീച്ചര്‍, പ്രോഗ്രാം ഓഫിസര്‍ ഷബ്‌ന ടീച്ചര്‍, വളണ്ടിയര്‍ ലീഡര്‍ ഫാത്തിന ഹര്‍ഷ എന്നിവരാണ് നേതൃത്വം നല്‍കിയത്.