പേരാമ്പ്ര: വൈദ്യുതിയില്ലാത്തതിനാല്‍ ശാസ്ത്രക്രിയ പോലും മാറ്റിവച്ച സാഹചര്യത്തില്‍ പേരാമ്പ്ര താലൂക്ക് ആശുപത്രിയില്‍ അടിയന്തരമായി ജനറേറ്റര്‍ സ്ഥാപിക്കണമെന്ന് ജനതാദള്‍ (യു) പേരാമ്പ്ര ടൗണ്‍ കമ്മിറ്റി ആവശ്യപ്പെട്ടു. നേരത്തെ ഗവ. ആശുപത്രി താലൂക്കാശുപത്രിയായി ഉയര്‍ത്തിയിട്ടും അടിസ്ഥാന സൗകര്യങ്ങളൊരുക്കാന്‍ അധികൃതര്‍ തയാറാകാത്തത് പ്രതിഷേധാര്‍ഹമാണെന്ന് യോഗം ചൂണ്ടിക്കാട്ടി. ടി.കെ ബാലഗോപാലന്‍ ഉദ്ഘാടനം ചെയ്തു. കല്ലോട് ഗോപാലന്‍, ഹൃദിന്‍ പേരാമ്പ്ര, അഡ്വ. രാജീവന്‍ മല്ലിശ്ശേരി, എ.കെ കുമാരന്‍, പി.പി വിനോദ് കുമാര്‍, കെ.സി സാജിദ്, എന്‍.പി അച്യുതന്‍ നായര്‍ സംസാരിച്ചു.