ബാലുശ്ശേരി: രൂപത്തിലും ഭാവത്തിലും വേഷം മാറിയെത്തുന്ന ഫാസിസത്തെ തിരിച്ചറിയാന്‍ സാധിക്കണമെന്ന് എഴുത്തുകാരനും പ്രഭാഷകനുമായ കെ.ഇ.എന്‍ കുഞ്ഞഹമ്മദ്. നന്മണ്ട ഫെസ്റ്റിനോടനുബന്ധിച്ച് ഇ.കെ നായനാര്‍ ചാരിറ്റബിള്‍ സൊസൈറ്റി സംഘടിപ്പിച്ച സാംസ്‌കാരിക പ്രഭാഷണ പരമ്പരയുടെ സമാപന ദിവസം 'പടികടന്നെത്തുന്ന ഫാസിസം' വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. സമൂഹത്തിന്റെ ഞരമ്പുകളെ കാര്‍ന്നുതിന്നുന്ന ഫാസിസത്തെ മുളയിലേ നുള്ളേണ്ടത് സമൂഹത്തിന്റെ ഉത്തരവാദിത്വമാണെന്നും അദ്ദേഹം പറഞ്ഞു. പി അബൂബക്കര്‍ മാസ്റ്റര്‍ പരിപാടി ഉദ്ഘാടനം ചെയ്തു. കെ.കെ വാസുനായര്‍ അധ്യക്ഷനായി.