ലൂധിയാന: സന്തോഷ് ട്രോഫിയില്‍ സിക്കിമിന് രണ്ടാം പരാജയം. ഇന്നലെ രാവിലെ നടന്ന ഗ്രൂപ്പ് ബി പോരാട്ടത്തില്‍ അസമാണ് സിക്കിമിനെ പരാജയപ്പെടുത്തിയത്. ഏകപക്ഷീയമായ മത്സരത്തില്‍ ഒന്നിനെതിരേ മൂന്നു ഗോളുകള്‍ക്കായിരുന്നു അസമിന്റെ വിജയം. അസമിനായി മിലന്‍, ബിഷ്ണു, സിരണ്‍ ദീപ് എന്നിവരാണ് ഗോളുകള്‍ കണ്ടെത്തിയത്. സിക്കിമിനായി സോനം ബൂട്ടിയ ആണ് ഗോള്‍ നേടിയത്. അസമിന്റെ ഗ്രൂപ്പിലെ രണ്ട@ാം വിജയവും സിക്കിമിന്റെ രണ്ട@ാം തോല്‍വിയുമാണിത്. മറ്റൊരു മത്സരത്തില്‍ ഒഡിഷ സര്‍വിസസിനോട് പരാജയപ്പെട്ടു. എതിരില്ലാത്ത ര@ണ്ടു ഗോളുകള്‍ക്കായിരുന്നു സര്‍വിസസിന്റെ വിജയം. ര@ണ്ടാം പകുതിയില്‍ ആണ് ര@ണ്ടു ഗോളുകളും പിറന്നത്. 72ാ-ം മിനുട്ടില്‍ പെനാല്‍ട്ടിയിലൂടെ സുരേഷ് മീതെയും 87ാം മിനുട്ടില്‍ ഹരികൃഷ്ണയുമാണ് സര്‍വിസസിനായി ഗോളുകള്‍ കണ്ടെത്തിയത്.ഗ്രൂപ്പ് ബിയില്‍ നടന്ന പോരാട്ടത്തില്‍ ആതിഥേയരായ പഞ്ചാബിനെ മഹാരാഷ്ട്ര പരാജയപ്പെടുത്തി. ഒന്നിനെതിരേ ര@ണ്ടു ഗോളുകള്‍ക്കായിരുന്നു മഹാരാഷ്ട്രയുടെ വിജയം. സുഖ്പ്രീത് സിങ് നേടിയ ഒരു ഗോളിന് പഞ്ചാബ് മുന്നില്‍ എത്തിയതായിരുന്നു. എന്നാല്‍ രണ്ട@ാം പകുതിയില്‍ തിരിച്ചടിച്ച് ഇഞ്ചുറി ടൈമില്‍ വിജയം കണ്ടെ@ത്താന്‍ മഹാരാഷ്ട്രക്കായി. ആരിഫ് ഷെയ്ക്കാണ് 74, 92 മിനുട്ടുകളില്‍ മഹാരാഷ്ട്രയ്ക്കായി ഗോള്‍ നേടിയത്.