തിരുവനന്തപുരം: കഴുതപ്പുറത്തേറി വന്ന ക്രിസ്തു നാഥനെ ഒലിവിന്‍ ചില്ലകള്‍ വീശി ജറുസലേം നിവാസികള്‍ സ്വീകരിച്ചതിന്റെ ഓര്‍മ പുതുക്കി ഇന്ന് ഓശാന ഞായര്‍. കുരുത്തോല പെരുന്നാളായ ഇന്ന് ദേവാലയങ്ങളില്‍ നിന്നു വിശ്വാസികള്‍ക്ക് നല്‍കുന്ന കുരുത്തോലയുമായി പ്രദക്ഷിണം നടത്തും. ശിഷ്യന്മാര്‍ ഒന്നിച്ചുള്ള അന്ത്യ അത്താഴവും കുരിശു മരണവും തുടര്‍ന്നുള്ള ഉയിര്‍പ്പുമെല്ലാം അനുസ്മരിച്ച് പ്രത്യേക ചടങ്ങുകള്‍ക്കായി ക്രിസ്ത്യന്‍ ദേവാലയങ്ങള്‍ ഒരുങ്ങി. 18ന് പെസഹ വ്യാഴാഴ്ച പ്രാര്‍ഥനയും, തിരുവത്താഴ ബലിയും നടക്കും. 19ന് ദുഃഖ വെള്ളി ദിവസം രാവിലെ 6.30ന് ആയിരക്കണക്കിന് വിശ്വാസികളെ പങ്കെടുപ്പിച്ച് കുരിശിന്റെ വഴിയില്‍ നഗര പ്രദക്ഷിണവും ഉണ്ടാകും. ഞായറാഴ്ചയാണ് ഈസ്റ്റര്‍.